മറ്റു വൈദ്യ ശാസ്ത്രത്തില്‍ ചികിത്സ ഇല്ലായെന്നു പറയുന്ന എല്ലാ രോഗങ്ങള്‍ക്കും ഹോമിയോപ്പതിയില്‍ ചികിത്സയുണ്ട് എന്നു ഡോ.കെ.എസ്.പ്രസാദ് പറയുന്നത് മുപ്പതു വര്‍ഷത്തെ ചികിത്സയിലൂടെ ലഭിച്ച ആത്മവിശ്വാസത്തിലൂന്നിയാണ്. ഇക്കാലയളവില്‍ പലവിധ രോഗങ്ങളാല്‍ കഷ്ടപ്പെടുന്ന പതിനായിരക്കണക്കിന് ആളുകളെ ചികിത്സിച്ചു ഭേദപ്പെടുത്തിയത് ഹോമിയോപ്പതിയുടെ അടിസ്ഥാനതത്വങ്ങളില്‍ അടിയുറച്ചു നിന്നുകൊണ്ടാണ്.

പുതിയ രോഗങ്ങള്‍ ഓരോന്നായി പ്രത്യക്ഷപ്പെടുമ്പോള്‍, അവയുണ്ടാക്കുന്ന രോഗാണുക്കളെ കൊല്ലുന്ന മരുന്നു വികസിപ്പിക്കുന്നതിനായി ആധുനിക വൈദ്യശാസ്ത്രം പെടാപ്പാടുപെടുന്നത് നാം തുടര്‍ച്ചയായി കണ്ടുകൊണ്ടിരിക്കുകയാണ്. എന്നാല്‍ ഹോമിയോപ്പതി രോഗാണുക്കളെ കൊല്ലുന്നതിനു പകരം രോഗ ലക്ഷണങ്ങളെ ചികിത്സിച്ച് രോഗം ഭേദമാക്കുകയാണ് ചെയ്യുന്നത്. തത്ഫലമായി വർധിച്ച പ്രതിരോധശേഷി ചികിത്സക്കു വിധേയമായവർക്കു ലഭിക്കുന്നു എന്നത് എടുത്തുപറയേണ്ടതാണ്.